← 고전 원문 폴더

📄 고전 원문 · 일본 · 아오조라 문고

『한산낙목 권1』

마사오카 시키 · 원제 寒山落木 巻一

31,660자 · 저작권 근거: 저작자 모두 1902년 이전 사망(한국 저작권 보호기간 끝) · 원문 출처

내 자료함의 ‘📚 고전’ 글 폴더에 앞부분 2만 자가 담겨요. 회차 편집기의 ‘✦ 안드로메다 AI 이용하기 → 🖼️ 내 글·사진 분위기로 쓰기’에서 골라 이 고전의 분위기·문체를 참고해 쓸 수 있어요.

【古白の女人形に題す】 汗かゝぬ女の肌の涼しさよ 溝川に小鮒ふまへし涼み哉 涼しさや花火ちりこむ水の音 夏やせの腮にいたし笠の紐 牛の尾の力も弱るあつさ哉 涼しさや風にさばける繩簾 おそろしや闇に亂るゝ鵜の篝 烟草のむひま旅人も來て早苗とれ 吸殼の水に音ある涼み哉 若竹や色もちあふて青簾 紫陽花に吸ひこむ松の雫哉 紫陽花にかぶせかゝるや今年竹 はら/\と風にはちくや鵜の篝 短夜や砂土手いそぐ小提灯 三津口を又一人行く袷哉 囚人の鎖ひきずるあつさ哉 【小栗神社】 朝夕に神きこしめす田歌かな 【永田村】 秋近き窓のながめや小富士松 涼しさや馬も海向く淡井阪 萱町や裏へまはれば青簾 蚊遣たく烟の中や垣生今津 打ちわくる水や一番二番町 【松山】 ※が織り妹が縫ふて更衣 垣ごしや隣へくばる小鰺鮓 聾の拍子はづれや田植歌 飛び下りた梦も見る也不二詣 早少女の昔をかたれ小傾城 帷子や蝙蝠傘のかいき裏 陣笠を着た人もある田植哉 涼しさや母呂にかくるゝ後影 ふんどしも白うなりけり衣がへ 白無垢の一竿すゞし土用干 油繪の遠目にくもる五月かな 灌佛やうぶ湯の桶に波もなし 甲斐の雲駿河の雲や不二詣 涼めとて床几もて來る涼み哉 袂には鼻紙もなし更衣 御祓して歸るたもとに螢かな 月の出る裏へ/\と鵜舟哉 さをとめの泥をおとせば足輕し 空に入る身は輕げなりふし詣 【傾城の文書くかたに】 夏痩を見せまゐらせ度候かしく 夏 天文 地理 大粒になつてはれけり五月雨 一ツ家の背に 一枝は田にはしりこむ清水哉 夕立や足たてかぬるめくら馬 梯や水にもおちず五月雨 改(梯や水より上を五月雨) 五月雨や隅田を落す筏舟 一村は卯つ木も見えす青嵐 ふしつくは都ふきこす青嵐 はたごやに蠅うつ客や五月雨 渭橋の句に たれこめて蠅うつのみそ五月雨 眞黒に茄子ひかるや夏の月 夕立の露ころげあふ蓮哉 蚤蠅の里かけぬけて夏の山 おしあふてくる萍や五月晴 夕立の押へ付けたり茶の煙 ゆふだちにはりあふ宮の太鼓哉 木曾川に信濃の入梅の濁り哉 夏の月四條五條の夜半過 鱗ちる雜魚場のあとや夏の月 荷を揚る拍子ふけたり夏の月 【高濱延齡舘ニテ】 雪の間に小富士の風の薫りけり はらわたにひやつく木曾の清水哉 菅笠の紐ぬらしたる清水哉 夕立に簔のいきたる筏かな        まくるイ 夕立の見る/\過る白帆哉 君か代や親が所望の夏氷 夕立のはづれに青し安房上總 文字結 青 旅人の名をつけて行く清水かな 【呈破蕉先生】 夏草や君わけ行けば風薫る 夏の月紙帳の皺も浪と見よ 入梅晴の朝より高し雲の峰 横道を行けば果して清水哉 五月雨は藜の色を時雨けり わびしさや藜にかゝる夏の月 むさしのや川上遠き雲の峯 夕立や算木崩れし卜屋算 山へ來て繪嶋近し青嵐 白芥のうしろの原や青嵐 そよ/\と山伏ふくや青嵐 梅雨晴の風に戻りし柳哉 夕立や板屋に崩す一あらし 一筋に烟草けぶるや青嵐 なか/\に裸急がず夏の雨 負ふた子の一人ぬれけり夏の雨 夕立や蛇の目の傘は思ひもの 五月雨や流しに青む苔の花 夕立や干したる衣の裏表 植ゑつけて月にわたせし青田哉 【松山】 城山の浮み上るや青嵐 踏みならす橘橋や風かをる 夕立や橋の下なる笑ひ聲 梅雨晴にさはるものなし一本木 五月雨や漁婦ぬれて行くかゝえ帶 掬ぶ手の甲に冷えつく清水哉 五月雨は杉にかたよる上野哉 金時も熊も來てのむ清水哉 五月雨に一筋白き幟かな 長靴のたけに餘るや梅雨の泥 鼓鳴る芝山内や五月晴 夕立をもみくづしけり卜屋算 五月雨にいよ/\青し木曾の川 五月雨の雲やちぎれてほとゝきす 谷底に見あげて涼し雲の峰 暮れかけて又日のさすや五月雨 野の道に撫子咲きぬ雲の峰 夕立に鷺の動かぬ青田かな 雲の峰に扇をかざす野中哉 むさし野に立ち並びけり雲の峰 夕立に古井の苔の匂ひかな 梅雨晴や朝日にけぶる杉の杜 【根岸】 五月雨やけふも上野を見てくらす 【六月十九日】 五月雨に御幸を拜む晴間哉 【送別】 招く手の裏を汐風かをりけり 夏 動物 時鳥上野をもとる※車の音 夕くれにのそ/\出たり蟇 ころがつて腹を見せたる鹿子哉 手の内に螢つめたき光かな 時鳥千本卒塔婆宵月夜 聞に出てぬれてもとるや閑古鳥 ちゞまれば廣き天地ぞ蝸牛 【待戀】 蚤と蚊に一夜やせたる思ひ哉 藺の花の中をぬひ/\螢哉 あとはかりあつて消けりなめくしり 世の中をまひ/\丸うまはりけり 菅笠の生國名のれほとゝきす 露となり螢となりて消にけり 浮世への筧一すぢ閑子鳥 どの村へかよふ筧そ閑子鳥 すめはすむ人もありけり閑子鳥 並松やそれからそれへ閑子鳥 垣こえて雨戸をたゝくくゐな哉 【根岸】 水鷄叩き鼠答へて夜は明ぬ 谷間や屋根飛こゆるほとゝきす 鵜の首の蛇とも見えて恐ろしき ある時は叩きそこなふ水鷄哉 一つ家を毎晩たゝく水※哉 【待戀】 我※を蚊にくはせたる思ひかな 蚊の聲の中に子の泣く伏屋哉 親の血を吸てとぶ蚊のにくさ哉 蚊の聲を分て出たり蟇 初蝉の聲ひきたらぬ夕日哉 雨の夜や浮巣めくりて鳰の啼 【破蕉先生の咄を夫人よりきゝて】 筆もつて寐たるあるじや時鳥 ある時は空を行きけり水すまし 提灯をふつて蚤とるかごや哉 【待戀】 灯ともして又夏虫をまつ夜哉 【歸郷】 故郷へ入る夜は月よほとゝきす 墓拜む間を籔蚊の命哉 【述懷】 水無月の虚空に涼し時鳥 【殺生戒】 蠅憎し打つ氣になればよりつかず 叩けとて水鷄にとさすいほり哉 枝川や立ち別れ鳴く行※子 剖葦の聲の嵐や捨小舟 よしきりの聲につゝこむ小舟哉 靜かさに地をすつてとぶ螢かな 淋しさにころげて見るや蝉の殼 さかしまに殘る力や蝉のから 晝の蚊やぐつとくひ入る一思ひ 時鳥御目はさめて候か 松の木にすうと入りけり閑子鳥 しん/\と泉わきけり閑子鳥 ちい/\と絶え入る聲や練雲雀 時鳥鳴くやどこぞに晝の月 時鳥不二の雪まだ六合目 時鳥上野を戻る※車の音 蝙蝠や又束髮のまぎれ行く 【義安寺】 山門に螢逃げこむしまり哉 杉谷や山三方にほとゝぎす 新場処や紙つきやめばなく水※ 【聖徳太子碑】 いしぶみの跡に啼けり閑子鳥 【惠原】 宵月や蝙蝠つかむ豆狸 時鳥けふは聾の婆※一人 初松魚引さげて行く兎唇哉 なめくぢの梦見てぬぐや蛇の皮 島原や草の中なる時鳥 足六つ不足もなしに蝉の殼 此頃の牡丹の天や時鳥 此頃は居らなくなりぬ蝸牛 行列の空よこぎるや時鳥 【乞食】 ひだるさに寐られぬ夜半や鵑 燒けしぬるおのが思ひや灯取虫 見ン事に命すてけり初松魚 郭公太閤樣をぢらしけり 蝙蝠やぬす人屋敷塀もなし 頬杖の鐵扇いたし時鳥 幾人の命とりけんほとゝきす 飛び/\に闇を縫ひけり時鳥 あはれさやらんぷを辷る灯取虫 九段阪魂祭るころの時鳥 一聲や捨子の上の時鳥 子になつて浮巣は月に流れけり 宵闇や月を吐き出す蟇の口 鰹くふ人にもあらす松魚賣 螢から螢へ風のうつりけり 吹き亂す花の中より子規 茄子にも瓜にもつかず時鳥 花も月も見しらぬ蝉のかしましき 大釜の底をはひけり蝸牛 蝙蝠や闇を尋ねていそがしき 古壁の隅に動かずはらみ蜘 孑孑の藪蚊見送る別れ哉 時鳥右の耳より左より 挑灯の次第に遠し時鳥 蚊の聲は床のあやめに群れにけり 蠅逃げて馬より牛にうつりけり 大螢ふわ/\として風低し 行燈の丁子よあすは初松魚 夏 植物 【美人圖】 抱起す手に紫陽花のこほれけり 【悼亡】 葉櫻とよびかへられしさくら哉 燕や白壁見えて麥の秋 葉さくらや折殘されて一茂り 卯の花に雲のはなれし夜明哉 植木屋の門口狹き牡丹哉 淀川や一すぢ引て燕子花 金箱のうなりに開く牡丹哉 たそかれや御馬先の杜若 つる/\と水玉のぼる早苗哉 白牡丹ある夜の月に崩れけり 竹の子にかならずや根の一くねり 板繪馬のごふんはげたり夏木立 若竹や雀たわめてつくは山 けしの花餘り坊主になり易き 卯の花にかくるゝ庵の夜明哉 初瓜やまだこびりつく花の形 【青桐虚子同寫の寫眞に題す】 思ひよる姿やあやめかきつはた 麥わらの帽子に杉の落は哉 岩陰や水にかたよる椎のはな 咲てから又撫し子のやせにけり おしあふて又卯の花の咲きこぼれ 鼓鳴る能樂堂の若葉かな 【送別】 手ばなせは又萍の流れけり 【ある人の山路にて強盜に逢ひたるに】 卯の花に白波さわぐ山路哉 なてし子のこげて其まゝ咲にけり 撫し子を横にくはへし野馬哉 なてしこの小石ましりに咲にけり 撫子を折る旅人もなかりけり ひる※に雨のあとなき砂路哉 すてられて又さく花や杜若 藻を刈るや螢はひ出る舟の端 一作 藻を刈てはひでる舟の螢哉 紫陽花や花さき重り垂れ重り 押あけてあぢさいこぼす戸びら哉 あぢさいや一かたまりの露の音 ※車道にそふて咲けりけしの花 石菖に雫の白し初月夜 晝※の物干竿を上りけり 萍の茨の枝にかゝりけり 萍に乘てながるゝ小海老哉 萍の心まかせに流れけり       を如何 萍に思ふことなき早瀬かな 浮草を上へ/\と嵐哉 うき草の月とほりこす流哉 河骨にわりなき莖の太さ哉 玉卷の葛や裏葉のちなみもまだ 河骨の横にながれて咲にけり 白蓮の中に灯ともす青さ哉 紫陽花にあやしき蝶のはなだ哉 あぢさいや神の灯深き竹の奧 花の皆青梅になる若木かな 青梅の落て拾はぬあき家哉 筍やずんずとのびて藪の上          重イ 筍はまだ根ばかりの太さかな 竹の子や隣としらぬはえ處 のせて見て團扇に重しまくわ瓜 ほき/\と筍ならぶすごさ哉 うれしけに犬の走るや麥の秋 麥秋や庄屋の娵の日傘 麥の秋あから/\と日はくれぬ 紫蘇はかり薄紫のあき家哉 冷瓜浪のかしらにほかん/\ なでしこにざうとこけたり竹釣瓶 井戸端に妹が撫し子あれにけり 引はれば沈む蓮のうき葉かな 夏菊や旅人やせる木曾の宿 一作 夏菊や木曾の旅人やせにけり 【關原】 誰が魂の梦をさくらん合歡の花 不破の關桑とる女こととはん 春季 苗の色美濃も尾張も一ツかな 清姫か涙の玉や蛇いちご 晝※の眞ツ晝中を開きけり 一本の葵や虻ののぼりおり 鎌倉は村とよばるゝ青葉かな 姫百合に※飯こぼす垣根かな 【賀山本氏卒業】 すゝしさイ うるはしや竹の子竹になりおふせ 痩馬もいさむ朝日の青葉かな 夕※に行脚の僧をとゞめけり 【偸盜戒】 瓜盜むこともわすれて涼みけり 夕立にふりまじりたる李かな 瓜一ツだけば鳴きやむ赤子かな 心見に雀とまれや今年竹 旱さへ瓜に痩せたるふりもなし 一ツ葉の水鉢かくす茂り哉 雲の峰の麓に一人牛房引 涼しさやくるり/\と冷し瓜 瓜持て片手にまねく子供哉 棉の花葵に似るも哀れなり 【岡山徳島等洪水】 泥水に夕※の花よごれけり 一つらに藤の實なびく嵐哉 古池や蓮より外に草もなし 入相にすぼまる寺のはちす哉 【不忍池】 桃色は辨天樣のはちすかな 隱れ家に夏も藜の紅葉哉 老がはで藜の杖に殘しけり 箒木にまじりて青き藜哉 山イ 尼寺に眞白ばかりの蓮哉 咲立つて小池のせまき蓮哉 ぐるりからくろはひ上る南瓜哉 浦嶋草さくやこじきも家持て 【牛淵村にて諸友と互に別るゝ時】 茄子南瓜小道/\の別れ哉 茗荷よりかしこさうなり茗荷の子 藺の花の葉末にさかぬ風情哉 栗の花筧の水の細りけり 風蘭や岩をつかんでのんだ松 蓮の露ころかる度にふとりけり 【画賛】 討死の甲に匂ふあやめかな 【墨画賛】 此頃は薄墨になりぬ百日白 青天に咲きひろげゝり百日紅 白砂に熊手の波やちり松葉 花一つ/\風持つ牡丹哉 萍や出どこも知らず果もなし 藻の花や小川に沈む鍋のつる 卯の花や月夜となればこぼれ立つ 山百合や水迸る龍の口 夕顏 や闇吹き入れる 三日の月    にまぶれて白し 卯の花に不二ゆりこぼす峠哉 【三阪】 旅人の歌上りゆく若葉哉 宵月や牛くひ殘す花茨 葉櫻の上野は闇となりにけり 葉柳の五本はあまる庵哉 夕顏は画にかいてさへあはれなり 夕顏や膝行車を立てさせて 【戀】 卯の花の宿とばかりもことづてん 【戀】 うつむいた恨みはやさし百合の花 窓かけや朧に匂ふ花いばら 【立花口】 絶間より人馬の通ふ若葉哉 萍の杭に一日のいのちかな 生きてゐるやうに動くや蓮の露 紫陽花に淺黄の闇は見えにけり 夕かほのやみもの凄き裸かな 白過ぎてあはれ少し蓮の花 白水の押し出す背戸や杜若 いわけなう日うらの白き胡瓜哉 凌霄や煉瓦造りの共うつり 浮草をうねりよせたるさ波哉 開いても開いてもちるけしの花 重たさを首で垂れけりゆりの花 傘はいる若葉の底の家居哉 廿五年 秋 時候 人事     すくむや 鷄の塒に小さし秋のくれ 燈籠としらずに來たり灯取虫 ぬすんたる瓜や乞食の玉まつり 箒星障子にひかる夜寒哉 秋たつや鶉の聲の一二寸 何げなく引けと鳴子のすさましき 旅人を追かけてひく鳴子哉 稻妻にひとゆりゆれる鳴子かな 烏帽子着て送り火たくや白拍子 引けば引くものよ一日鳴子引 思ひ出し/\ひく鳴子哉 ひとりゆれひとり驚く鳴子かな どこやらに稻妻はしる燈籠哉 稻妻に燈籠の火のあばきかな 家根の上にどこの哀れぞ揚燈籠      よそイ  やイ 籔陰を誰がさげて行く燈籠哉 迎火をもやひにたくや三軒家 うつくしき燈籠の猶哀れ也 薄絹に燈籠の火の朧かな 頓入や納屋をあくれば唐辛子 文月や神祗釋教戀無常 【七夕の日布引の瀧を見て】 布引も願ひの糸の數にせむ ぬか星や七夕の子の數しれず よもすがら烏もさわげ星祭 梶の葉を戀のはじめや兄妹 旅人の扇置なり石の上 笹につけて扇やかさん女七夕 杉の木のによつきと高し秋の暮 日がくれて踊りに出たり生身玉 木曾さへも人は死ぬとや高燈籠 七夕の橋やくづれてなく鴉 世の中につれぬ案山子の弓矢哉 生身玉其又親も達者なり 水底の亡者やさわぐ施餓鬼舟 うつくしきものなげこむやせがき舟 施餓鬼舟向ふの岸はなかりけり 萩薄一ツになりて花火散る 花火ちる四階五階のともし哉 秋寒し蝙蝠傘は杖につく 過去帳をよみ申さんか魂迎 猿一ツ笠きて行くや秋の暮 傘持は秋ともしらす揚屋入 菅笠の紐引きしめる夜寒哉 棕櫚の葉の手をひろけたりけさの秋 送火の煙見上る子どもかな 【画賛〔二句〕】 秋さびて太雅の木にも似たる哉 秋のくれ畫にかいてさへ人もなし 松二木並んで秋の老にけり 乞食の錢よむ音の夜寒哉 乞食の親もありけり玉祭 八朔やこじきも江戸の生れにて 乞食の燒食匂ふ殘暑かな 秋のくれ見ゆる※見るふしの山 繩簾蛇にもならず秋くれぬ 信州の下女が手打の茶そば哉 合宿の齒ぎしりひゞく夜寒哉 ふみつけた蟹の死骸やけさの秋 親もなき子もなき家の玉まつり 朝寒やちゞみあがりし衣の皺 ひらりしやらり一ツ葉ゆれてうそ寒し 【輕井澤旅亭】 鼻たれの兄とよばるゝ夜寒哉 【文科大學遠足會】 秋しらぬ旅や同行五十人 雨の夜はおくれ給はん魂迎 魂送り背戸より歸り給ひけり 一人旅一人つく/\夜寒哉 蚤蝨へつて浪人のうそ寒し 缺徳利字山田の案山子哉 送火の何とはなしに灰たまる 行秋や松茸の笠そりかへる 茸狩や心細くも山のおく 人の目の秋にうつるや嵐山 灯ともせば灯に力なし秋の暮 見た顏の三つ四つはあり魂祭 砧よりふしむつかしき鳴子哉 あら駒の足落ちついて秋の立つ 燈籠の朧に松の月夜かな 燈籠の竹にうつろふすごさ哉 行く秋や松にすがりし蔦紅葉 行く秋やまばらに見ゆる竹の藪 試みに案山子の口に笛入れん 嚊殿に盃さすや菊の酒 月細り細り盡して秋くれぬ 宿の菊天長節をしらせばや 攝待や乞食だきつく石手寺 【道後】 傾城の燈籠のぞくや寶嚴寺 梟や花火のあとの薄曇り 沙魚釣りの大加賀歸る月夜哉 【蛇たまり】 秋立つや芒穗に出る蛇たまり 【松山鴨川】 菊形の燒餅くふて節句哉 行く秋や壁の穴見る藪にらみ 烏來て鳥居つゝくや秋のくれ 遊女一人ふえぬ日はなし京の秋 此頃は旅らしうなる砧かな 此頃はどうやら悲し秋のくれ 袖なくてうき洋服の踊り哉 何としたわれの命そ秋の暮 辨慶の道具しらべる夜長哉 君が代は案山子に殘る弓矢哉 行く秋を奇麗にそめし紅葉哉 行く秋の闇にもならず星月夜 傾城に電話をかけん秋のくれ 魂棚や何はあれとも白團子 烏帽子着て送火たくや白拍子 白菊の花でこさばや濁り酒 海原をちゞめよせたり鰯曳 一つづゝ波音ふくる夜寒哉 こちで引けばあちても引くや鳴子繩 八重葎そよぐと見しやけさの秋 かるく打つ砧の中のわらひ哉 行く秋の輕うなりたる木實哉 大文字をのぞいて出たり山の月 やぶ入の一日にしぼむ芙蓉哉 やぶ入や皆見覺えの木槿垣 案山子にも目鼻ありける浮世哉 乞食の葬禮見たり秋の暮 傘持のひんと立たりけさの秋 菅笠のくさりて落ちしかゞし哉 笠とれたあとはものうき案山子哉 秋 天文 地理 やせ馬の尾花恐るゝ野分哉 鯉はねたにごり沈むや秋の水 名月や彷彿としてつくは山 我宿の名月芋の露にあり 稻妻に目たゝきしたる坐頭哉 一ツ家のともしめくりて秋の風    すれてとび 初汐につれていでけり鶴一羽 初汐の空にたゞよふきほい哉      ひろがる 誰やらがかなしといひし月夜哉 琉球も蝦夷もはれたりけふの月 名月や田毎に月の五六十 稻妻や誰れが頭に碎け行く 稻つまや一筋白き棉ばたけ 初秋を京にて見たり三日の月 天の川淺瀬と見ゆる處もあり 伊豆までは落ちず消えけり天の河 富士川の石あらはなり初嵐 さりげなき野分の跡やふしの山 名月やどの松見ても松見ても 富士沼や小舟かちあふ初あらし 大空の眞ツたゞ中やけふの月 蜑か家や月に戸をさす清見潟 花娵の臼をころがす月夜哉 ※車道に堀り殘されて花野哉 一ひらの雲の行へや秋の山 撫し子のまた細りけり秋の風 粟の穗の折れも盡さす初嵐 秋風に目をさましけり合歡の花 いつしかに桑の葉黒し 秋の風初しくれ 朝霧の富士を尊とく見する哉 秋風や崩れたつたる雲のみね 【農科大學の別科へ入門して林學を修むる虚空子へ遣はす】 松苗に行末ちぎる月見哉 【破蕉先生のもとに伺候して席上】 宵月やふすまにならぶ影法師 【二夜つゞきて破蕉先生のもとをおとづれて俳話猶つきず】 よひ/\に月みちたらぬ思ひ哉 椽端や月に向いたる客あるじ 晴れ過ぎて月に哀はなかりけり           ありイ 秋風や都にすんでなく夜哉 新田や雨はなけれと芋の露 芋の露硯の海に湛へけり 一しきり露はら/\の夕哉 吹きかへす萩の雨戸や露はら/\ 稻妻の壁つき通す光りかな 稻妻は雫の落る其間かな 【長命寺】 皀莢の風にからめく月夜哉            すゞみイ いろ/\の灯ともす舟の月見哉 萩薄思ひ/\の野分哉 原へ出て目もあけられぬ野分哉 あれ馬のたて髮長き野分哉 吹きとつて雨さへふらぬ野分哉 から笠につられてありく野分哉 捨舟はかたよる海の野わき哉 からぐろの葉うつりするや露の玉 露の玉小牛の角をはしりけり ほろ/\と露の玉ちる夕哉 つぶ/\と丸む力や露の玉 稻妻の消て不知火かすか也 芋の露われて半分は落にけり 白露の上に濁るや天の河 星一ツ飛んで音あり露の原 夕月に露ふりかける尾花哉 草の露こぼれてへりもせざりけり 芋の葉に月のころがる夜露哉 火葬場の灰におきけり夜の露 名月や露こしらへる芋の上 露いくつ絲瓜の尻に出あひけり 萩の露疊の上にこぼしけり 夜の露もえて音あり大文字 花火やむあとは露けき夜也けり よもすがら露ちる土の凹みけり             かな 白露を見事にこぼす旭哉 稻妻に露のちる間もなかりけり 白露や蕣は世に長きもの 灯のちらり/\通るや露の中 白露のうつくし過ぎて散にけり 仲國がすそごの袴露重し 白露やよごれて古き角やぐら 闇の空露すみのぼる光り哉 風吹て京も露けき夜也けり 白露の中にうつくし乞食小屋 露夜毎殺生石をあらひけり 佛像の眼やいれん露の玉 宵闇や露に引きずる狐の尾 色※もなくて夜露の白さ哉 夕露に灰のつめたき野茶屋哉  一作 掛茶屋の灰はつめたしきり/\す 時頼が露の袈裟ほす焚火哉 魂棚の飯に露おくゆふべ哉 すてられた扇も露の宿り哉 白露の中に泣きけり祗王祗女 猪や一ふりふるふ朝の露 月のさす帆裏に露の通りけり 大佛やかたつら※く朝の露 ふじは雲露にあけ行く裾野哉 白露の中に重る小鹿哉 目にさわるものなし月の隅田河 名月やうしろむいたる石佛 我黒ノ句ニ 名月に後むいたるかゝし哉 白露の中に乞食の鼾かな 十六夜の闇をこじきの焚火哉 かさの露動けは月のこぼれけり 秋風やらんふの笠も破れたり 陣笠に鶴の紋ありけふの月 笠いきて地上をはしる野分哉 秋風や京の大路の朱傘 つる/\と笠をすへるや露の玉 朝霧や女と見えてたびの笠 【送錬卿赴兵庫〔二句〕】 聞きにゆけ須磨の隣の秋の風 秋の雲いよ/\高く登りけり 露に泣き給ふ姿や市女笠 虚無僧の深あみ笠や盆の月 秋の雨兩天傘をなぶりけり 傘の端に三日月かゝる晴間哉 番傘のほつきと折れし野分哉 月蝕や笠きて出たる白拍子 傘の端のほのかに白し雨の月 光起が百鬼夜行く野分哉 松を隅に一天晴れたりけふの月 【画賛】 蛇の舌まだ赤し秋の風 塔一ツ霧より上に晴れにけり はせを泣き蘇鐵は怒る野分哉 【李白画賛】 養老の月を李白にのませはや 【画賛】 骸骨の浮み出るや水の月 秋の雲太平洋を走りけり ある月夜路通惟然に語るらく 乞食に妻も子もありけふの月 稻妻や乞食に明日の糧もなし 稻妻に寐返りしたる乞食哉 缺椀を叩く乞食の月見哉 獨り行膝行車や初嵐 名月や生れ落ちての薦被り 【留別】 月見んとふじに近よる一日つゝ 【留別】 名月を山でやほめん野でや見ん 【復五洲生文書後】 筆の穗のさゝけ出したり秋の風 【大磯松林舘〔四句〕】 犬つれて松原ありく月見哉 大磯の町出はなれし月見哉 名月や何やらうたふ海士か家 名月や誰やらありく浪の際 明月のうしろに高し箱根山 明月や山かけのぼる白うさぎ 明月の中に何やら踊りけり 塩汲の道※月をこぼしけり 【盃画賛】 洗ひなは箔やはげなん秋の水 【大イソ松林舘〔四句〕】 名月やどちらを見ても松許り 待宵や夕餉の膳に松の月 月出んとして鳴りたつる海の音 待宵や出しぬかれたる月のてり 【大磯〔十三句〕】 明月を邪魔せぬ松のくねり哉 足元をすくふて行くや月の汐 明月や雄浪雌浪の打ち合せ 後しざりしながら戻る月見哉 名月や小牛のやうな沖の岩 待宵の晴れ過ぎて扨あした哉 名月や汐に追はるゝ磯傳ひ 明月やとびはなれたる星一ツ 明月の思ひきつたる光かな 明月や背中合せの松のあひ 沙濱に足くたびれる月見哉 寢ころんで椽に首出す月見哉 沙濱に打廣げけり月の汐 北※へさゝぬばかりそけふの月 恐ろしき灘から出たりけふの月 花の都扨又月の田舍哉 【大磯蚊多し】 名月のこよひに死ぬる秋の蚊か 名月の空に江嶋の琵琶聞ん 名月やすた/\ありく芋畑 【大磯】 鎌倉に波のよる見ゆけふの月 網引の網引きながら月見哉 名月や松を離れて風の聲 名月や闇をはひ出る虫の聲 【十五夜雲多し〔三句〕】 色※の形となるや雲の月 尻を出し頭を出すや雲の月 名月やもう一いきで雲の外 雲に月わざ/\はいるにくさ哉 名月やそりやこそ雲の大かたまり 新暦の十月五日月見哉 大磯へまで來てこよひ月もなし 名月や小磯は砂のよい處 沙濱に人のあとふむ月見哉 くらからばたゞ暗からで雲の月 名月に馬子と漁師の出合哉 いさり火や月を離れし沖の隅 松一ツ/\影もつ月夜哉 待宵に月見る處定めけり 名月や鶴ののつたる捨小船 名月や雌松雄松の間より 【大磯】 江の嶋は龜になれ/\けふの月 【夜半月晴】 明月やすつでのことで寐る處 明月や面白さうな波の音 孕句に雲のかゝりし月見哉 名月や松にわるいといふはなし 名月や鰯もうかぶ海の上 十六夜は待宵程に晴にけり 【大磯にて終日垂釣の人を見て】 秋風の一日何を釣る人そ 十六夜の山はかはるや月の道 厮から居待の月をながめけり 旅僧のもたれてあるく野分哉 【友に留守を訪はれて】 蜘の巣に蜘は留守也秋の風 樵夫二人だまつて霧を現はるゝ 秋の海名もなき嶋のあらはるゝ 【首途〔二句〕】 旅の旅又その旅の秋の風 はつきりと行先遠し秋の山 秋の雲瀧をはなれて山の上 秋風や鳥飛び盡す筑波山 明日の露にぬれたり淡路嶋 野分して牛蒡大根のうまさ哉 白露の庵の戸あけて物や思ふ 杉の木のたわみ見て居る野分哉 後家夜更けて烟草吹きつける天の川 名月や竹も光明かくや姫 稻妻のはなれて遠し電氣燈 ビール苦く葡萄酒澁し薔薇の花 初汐や松に浪こす四十島 【御幸寺山】 天狗泣き天狗笑ふや秋の風 名月や伊豫の松山一万戸 【義助墓】 稻妻の崩れたあとや夕嵐 十六夜の闇の底なり莊園寺 蛇落つる高石かけの野分哉 【吉敷川】 天の川よしきの上を流れけり ていれぎの下葉淺黄に秋の風 名月や何をせむしの物思ひ 稻妻に目ばたきしたる坐頭哉 稻妻や何の梦見る兒の顏 傾城に歌よむはなしけふの月 八反帆野分に落すあをり哉 此頃は蓴菜かたし秋の風 名月はどこでながめん草枕 人力のほろ吹きちぎる野分哉 眞帆片帆瀬戸に重なる月夜哉 名月や人の命の五十年 西行はどこで歌よむけふの月 稻妻や誰が稽古のくさり鎌 名月にうなつきあふや稻の花 名月の道に茶碗のかげ白し 鐵橋や横すぢかひに天の川 針金に松の木起す野分哉 天の川凌雲閣にもたれけり 初汐や御茶の水橋あたりまで 親が鳴き子猿が鳴いて秋の風 子をつれて犬の出あるく月夜哉 稻妻をふるひおとすや鳴子引 名月や雄浪雌波の打ちがひ いなつまや簔蟲のなく闇の闇 松風をはなれて高し秋の月 名月や谷の底なる話し聲 名月も心盡しの雲間哉 名月や思ふところに捨小舟 名月に白砂玉とも見ゆるかな 玉になる石もあるらんけふの月 名月や大海原は塵もなし 干網の風なまくさし浦の月 夕月や何やら跳る海の面 名月の一夜に肥ゆる鱸哉 名月や芋ぬすませる罪深し 秋 動物