"For I brought as much white monie
As gane my men and me,
And I brought a half-fou of gude red goud,
Out o'er the sea wi' me.
"Make ready, make ready, my merry men a',
Our gude ship sails the morn!"--
"Now, ever alack, my master dear,
I fear a deadly storm!
"I saw the new moon, late yestreen,
Wi' the auld moon in her arm;
And if we gang to sea, master,
I fear we'll come to harm."
They hadna sailed a league, a league,
A league but barely three,
When the lift grew dark, and the wind blew loud,
And gurly grew the sea.
The ankers brak, and the topmasts lap,
It was sic a deadly storm;
And the waves cam o'er the broken ship,
Till a' her sides were torn.
"O where will I get a gude sail-or
To take my helm in hand,
Till I get up to the tall topmast
To see if I can spy land?"--
"O here am I, a sailor gude,
To take the helm in hand,
Till you go up to the tall topmast,
But I fear you'll ne'er spy land."
He hadna gane a step, a step,
A step but barely ane,
When a bolt flew out of our goodly ship,
And the salt sea it came in.
"Gae, fetch a web o' the silken claith,
Another o' the twine,
And wap them into our ship's side,
And let nae the sea come in."
They fetched a web o' the silken claith,
Another o' the twine,
And they wapped them round that gude ship's side,
But still the sea cam in.
O laith, laith, were our gude Scots lords
To wet their cork-heeled shoon!
But lang or a' the play was played
They wat their hats aboon.
And mony was the feather bed
That flattered on the faem;
And mony was the gude lord's son
That never mair cam hame.
The ladies wrang their fingers white,
The maidens tore their hair,
A' for the sake of their true loves;
For them they'll see nae mair.
O lang, lang, may the ladies sit,
Wi' their fans into their hand,
Before they see Sir Patrick Spens
Come sailing to the strand!
And lang, lang, may the maidens sit,
Wi' their gold combs in their hair,
Awaiting for their ain dear loves!
For them they'll see nae mair.
O forty miles off Aberdeen
'Tis fifty fathoms deep,
And there lies gude Sir Patrick Spens,
Wi' the Scots lords at his feet.
EDOM O' GORDON.
It fell about the Martinmas,
When the wind blew shrill and cauld,
Said Edom o' Gordon to his men,
"We maun draw till a hauld.
"And what a hauld sall we draw till,
My merry men and me?
We wull gae to the house o' the Rode,
To see that fair lad-ie."
The ladie stude on her castle wa',
Beheld baith dale and down:
There she was ware of a host of men
Come riding towards the toun.
"O see ye nat, my merry men a'?
O see ye nat what I see?
Methinks I see a host of men:
I marvel wha they be!"
She weened it had been her luvely lord,
As he came riding hame;
It was the traitor Edom o' Gordon,
Wha recked nae sin nor shame.
She had nae sooner buskit hersel,
And putten on her goun,
But Edom o' Gordon and his men
Were round about the toun.
They had nae sooner supper set,
Nae sooner said the grace,
But Edom o' Gordon and his men
Were light about the place.
The lady ran up to her tower head,
Sae fast as she could hie,
To see if by her fair speech-es
She could wi' him agree.
But whan he see this lady saif,
And her gat-es all locked fast,
He fell into a rage of wrath,
And his look was all aghast.
"Come down to me, ye lady gay,
Come down, come down to me!
This night sall ye lig within mine arms
To-morrow my bride sall be."--
"I winna come down, ye false Gord-on,
I winna come down to thee;
I winna forsake my ain dear lord,
That is sae far frae me."--
"Give o'er your house, ye lady fair,
Give o'er your house to me,
Or I sall bren yoursel therein,
Bot and your babies three."--
"I winna give o'er, ye false Gord-on
To nae sic traitor as ye;
And if ye bren my ain dear babes,
My lord sall make you dree.
"But reach my pistol, Glaud, my man,
And charge ye weel my gun:
For, but an I pierce that bluidy butcher
My babes we been undone."
She stude upon her castle wa',
And let twa bullets flee:
She missed that bluidy butcher's heart
And only rased his knee.
"Set fire to the house!" quo' false Gord-on,
All wood wi' dule and ire:
"False lady, ye sall rue this deed,
As ye bren in the fire!"--
"Wae worth, wae worth ye, Jock my man,
I paid ye weel your fee:
Why pu' ye out the ground-wa' stane,
Lets in the reek to me?
"And e'en wae worth ye, Jock my man,
I paid ye weel your hire;
Why pu' ye out the ground-wa' stane,
To me lets in the fire?"--
"Ye paid me weel my hire, lady;
Ye paid me weel my fee;
But now I'm Edom o' Gordon's man,
Maun either do or dee."
O then bespake her little son,
Sate on the nurse's knee:
Says, "Mither dear, gi'e o'er this house,
For the reek it smithers me."--
"I wad gi'e a' my gowd, my child,
Sae wad I a' my fee,
For ane blast o' the western wind
To blaw the reek frae thee."
O then bespake her dochter dear,
She was baith jimp and sma',
"O row me in a pair o' sheets,
And tow me o'er the wa'."
They rowd her in a pair o' sheets,
And towd her o'er the wa':
But on the point of Gordon's spear
She gat a deadly fa'.
O bonnie bonnie was her mouth,
And cherry were her cheeks,
And clear clear was her yellow hair,
Whereon the reid bluid dreeps.
Then wi' his spear he turned her o'er,--
O gin her face was wan!
He said, "Ye are the first that e'er
I wished alive again."
He turned her o'er and o'er again,--
O gin her skin was white!
"I might ha' spared that bonnie face
To hae been some man's delite.
"Busk and boun, my merry men a',
For ill dooms I do guess;
I canna luik in that bonnie face,
As it lies on the grass."--
"Tham luiks to freits, my master dear,
Then freits will follow thame:
Let it neir be said brave Edom o' Gordon
Was daunted by a dame!"--
But when the ladie see the fire
Come flaming o'er her head,
She wept and kissed her children twain,
Said, "Bairns, we been but dead!"
The Gordon then his bugle blew,
And said, "Awa', awa';
This house o' the Rodes is a' in flame,
I hauld it time to ga'."
O then bespied her ain dear lord,
As he came o'er the lee;
He spied his castle all in blaze
Sae far as he could see.
Then sair, O sair his mind misgave,
And all his heart was wae;
"Put on! put on! my wighty men,
So fast as ye can gae!
"Put on! put on! my wighty men,
Sae fast as ye can dree;
For he that is hindmost of the thrang
Sall neir get guid o' me!"
Then some they rade, and some they rin,
Fou fast out-o'er the bent,
But ere the foremost could get up,
Baith ladie and babes were brent.
He wrang his hands, he rent his hair,
And wept in teenefu' muid:
"O traitors! for this cruel deed
Ye sall weep tears o' bluid!"
And after the Gordon he is gane,
So fast as he might dree;
And soon i' the Gordon's foul heart's bluid
He's wroken his dear ladie.
THE CHILDREN IN THE WOOD.
Now ponder well, you parents dear,
These words which I shall write;
A doleful story you shall hear,
In time brought forth to light.
A gentleman of good account
In Norfolk dwelt of late,
Who did in honour far surmount
Most men of his estate.
Sore sick he was, and like to die,
No help his life could save;
His wife by him as sick did lie,
And both possessed one grave.
No love between these two was lost,
Each was to other kind;
In love they lived, in love they died,
And left two babes behind:
The one a fine and pretty boy,
Not passing three years old;
The other a girl more young than he,
And framed in beauty's mould.
The father left his little son,
As plainly doth appear,
When he to perfect age should come,
Three hundred pounds a year.
And to his little daughter Jane
Five hundred pounds in gold,
To be paid down on marriage-day,
Which might not be controlled:
But if the children chance to die,
Ere they to age should come,
Their uncle should possess their wealth;
For so the will did run.
"Now, brother," said the dying man,
"Look to my children dear;
Be good unto my boy and girl,
No friends else have they here:
To God and you I recommend
My children dear this day;
But little while be sure we have
Within this world to stay.
"You must be father and mother both,
And uncle all in one;
God knows what will become of them,
When I am dead and gone."
With that bespake their mother dear,
"O brother kind," quoth she,
"You are the man must bring our babes
To wealth or misery:
"And if you keep them carefully,
Then God will you reward;
But if you otherwise should deal,
God will your deeds regard."
With lips as cold as any stone,
They kissed their children small:
"God bless you both, my children dear!"
With that the tears did fall.
These speeches then their brother spake
To this sick couple there,--
"The keeping of your little ones,
Sweet sister, do not fear:
God never prosper me nor mine,
Nor aught else that I have,
If I do wrong your children dear,
When you are laid in grave!"
The parents being dead and gone,
The children home he takes,
And brings them straight unto his house,
Where much of them he makes.
He had not kept these pretty babes
A twelvemonth and a day,
But, for their wealth, he did devise
To make them both away.
He bargained with two ruffians strong,
Which were of furious mood,
That they should take these children young,
And slay them in a wood.
He told his wife an artful tale,
He would the children send
To be brought up in fair Lond-on,
With one that was his friend.
Away then went those pretty babes,
Rejoicing at that tide,
Rejoicing with a merry mind,
They should on cock-horse ride.
They prate and prattle pleasantly,
As they rode on the way,
To those that should their butchers be,
And work their lives' decay:
So that the pretty speech they had,
Made Murder's heart relent;
And they that undertook the deed,
Full sore did now repent.
Yet one of them more hard of heart,
Did vow to do his charge,
Because the wretch that hir-ed him
Had paid him very large.
The other won't agree thereto,
So here they fall to strife;
With one another they did fight,
About the children's life:
And he that was of mildest mood,
Did slay the other there,
Within an unfrequented wood;
The babes did quake for fear!
← 고전 원문 폴더
📄 고전 원문 · 영어권 · 프로젝트 구텐베르크
『발라드 꾸러미』
작자 미상 (헨리 몰리 편) · 원제 A Bundle of Ballads
199,961자 (원문이 길어 앞부분만 · 전체 247,081자) · 저작권 근거: 작자 미상의 전래 작품 · 원문 출처
내 자료함의 ‘📚 고전’ 글 폴더에 앞부분 2만 자가 담겨요. 회차 편집기의 ‘✦ 안드로메다 AI 이용하기 → 🖼️ 내 글·사진 분위기로 쓰기’에서 골라 이 고전의 분위기·문체를 참고해 쓸 수 있어요.