← 고전 원문 폴더

📄 고전 원문 · 일본 · 아오조라 문고

『참새의 알』

기타하라 하쿠슈 · 원제 雀の卵

43,578자 · 저작권 근거: 저작자 모두 1942년 이전 사망(한국 저작권 보호기간 끝) · 원문 출처

내 자료함의 ‘📚 고전’ 글 폴더에 앞부분 2만 자가 담겨요. 회차 편집기의 ‘✦ 안드로메다 AI 이용하기 → 🖼️ 내 글·사진 분위기로 쓰기’에서 골라 이 고전의 분위기·문체를 참고해 쓸 수 있어요.

独楽の精ほとほと尽きて現なく傾ぶきかかる揺れのかなしさ 新酒 鳰鳥の葛飾早稲のにひしぼりくみつつあれば月かたぶきぬ真淵 鳰鳥の葛飾早稲の新しぼりかたむけ笑らぐ冬ちかづきぬ 鳰鳥の葛飾早稲の新しぼりころもに換へむいざや酔はしてな 時雨 松風 松風のしぐるる寺の前通とほる人はあれど日の暮れの影 松が根 松が根に夕さり明る薄の穂ほとほとにさびしうちそよぎつつ 松が根にときたま来る夕時雨薄は寒し濡れそよぎつつ 朝 こまごまとちらばり寒き小禽のかず木々の時雨に今朝も遠く見ゆ 木々うつる寒き小禽の羽のたたき時雨明りに濡れしぶきつつ 日の暮 夕されば裏の葭簀をはたはたと煽りし風もいつか落ちけり 破垣にはづかにのこる陽の明り消ぬかになれば雨そそぐ音 田圃 目に見えて冬の陽遠くなりにけりきのふもけふも薄くみぞれして いよよ寒く時雨れ来る田の片明り後なる雁がまだ明る見ゆ 初夜過ぎ 田末わたる時雨の雨は幽かながら初夜過ぎて出づる月のさやけさ 霜の田 菱形に白く霜置く田の畔の寒々しもよ遠く続きて 風さむき今朝の霜田の幾曲り馬に菰着せ吹かれ行くは誰ぞ 白妙の不二を畔木の遥に見て子らは犬追ふ霜田つづきを 鴉一羽霜田かすめてかおかおとこがらしの枝に今とまりたり 霜と雀 暗き空の下に明りて一きは白く霜つけし枝は百日紅の枝 枝にゐて一羽はのぞく庭の霜雀つくづく鳴きふふみつつ むきむきに雀啼き出る枝の霜まだ陽は射さね散り霧らひつつ 雀が二羽ころげ羽ばたくうつつなさ落ちむとしてはまた飛びあがる 立枯並木の歌 霜ふかき野川の堰、あはれよと今朝見に来れば、いつとなく水量涸れつつ、隙間なく氷張りけり。枯すすき、土堤の枯草、凍りつき白くきびしく、両側の立枯並木いよいよに白くさびしく、雪空の薄墨色にこまごまと梢明り、下空の小枝のほそ枝立ちつづき見れども飽かず、入り交り網目して透く。両側の立枯並木下見れば一側並木、時をりにとまる鴉もその枝の霜にすぼまり、渡り鳥ちらばる鳥もその空に薄煙立つ。風吹けばかすかに揺れ、雪ふればいよよしづもり、さむざむと時雨るる夜半も、月あかり落ちゆく暁も、消なんとし消たずかすかに、現にもうつしけなくも、ただ寂し薄し果敢なし。霜ふかき野川の堰今朝もまた氷張りけり。その川の両側つづき、隙間なく枯木つづけり。あはれあはれ立枯並木。 潮来の入江 すな真菰、真菰が中に菖蒲さく潮来の入江、はるばると我が求め来れば、そのかみの潮来の出嶋荒れ果てて今は冬なる。旅やどり、消ゆるばかりに一夜寝て寝ざめて見れば、霜しろし水の辺の柳、何一つ音もこそせね、薄墨の空の霧らひにただ白く枝垂れ深めり。枝垂れつつ水にとどけり。また白き葦にとどけり。そのかげの小さき苫舟、いよいよに霜の凍りて、こまごまと霜の凍りて、舟縁も苫も真白く櫓も梶も絶えて真白し。つくづくと眺めてあれば、閑かなる入江のさまや、苫舟にのぼる煙も風無ければ直ぐに一すぢほそぼそとしばしのぼれり。広重のその絵の煙、目に見れば浮世なりけり。あなあはれ水の辺の柳、あなあはれかかりの小舟、寂しとも寂しとも見れ。折からや苫をはね出て、舟縁の霜にそびえて、この朝の紅き鶏冠の雄の鶏が、早やかうかうと啼き出けるかも。 潮来抄 一 軒下に四五羽擦り寄り庭つ鳥の雨間待ちつつ夜は近づきぬ 雨しぶく腰高障子あかあかと早や燈に明れ外にすぼむ鶏 二 うろこ雲月に片照り置く霜の楊に白し明けにけらしも 河真菰薄かすめて下りる雁の羽の音近し夜の明けの霜 三 この道の茶の花垣の寒霜に雀声して陽の遠く射す 田家の冬枯 一 枯れ枯れの唐黍の秀に雀ゐてひようひようと遠し日の暮の風 二 かさこそと掛稲の裾出る畔雀陽のまだ残る穂を掻きわけて ひとつひとつ雀出て来る掛稲の外のこり陽遠し早や時雨れつつ 三 刈小田に落穂掻き掻く雀いくつうしろ向けるは尻尾上げて忙し 野良の晩冬 枯尾花 ねんごろに夕陽宿せる枯尾花水車踏み出し揺れかがやきぬ 薄と牛 ふかぶかと揺れの近づく薄の穂いよよ輝き牛曳かれ出づ 曳かれ出でてうしろ振り向く真黒牛の片眼輝きぬ穂薄の風 蒲の穂 蒲の穂のさむざむ明る沢の曲鷺多くゐれど声ひとつせぬ たまさかに明る薄陽のか遠くて夕さり寒し蒲の穂の立 蒲の穂に葦の穂先はとどかねどとどかぬなりに揺れの寒けさ 蒲の穂にひとひら白き冬の蝶ふと舞ひあがる夕空の晴 雀の宿 柿日和 わが宿は雀のたむろ冬来れば日にけに寒し雀のみ群れて 追はれ追はれ木へ逃げたかる田圃雀一としきり鳴けば夕かげり疾き 一しきり鳴きて飛び去るむら雀枯れしほづえには赤き柿いくつ 百舌鳴けり柿のほづえにただ一羽雀つぐめり柳に四五羽 古池の朝 古池に寒うしだれし枯柳向うに小さく白き不二見ゆ 古池に破れて陽の射す葭簀垣今朝も寒むそな雀が一羽 一色に 一色に寂びれはてたる冬の庭夕さり明るややしばらくは 今さらに寂しと云ふもあはれなり荒れはてし庭をひとり眺むる ただ一つお庭に白しすべすべと嘗めつくしける犬の飯皿 古池のそばにすがれし河楊不意にうごかす雀が白く 末広に陽のかげるらしほそり木の枯木の空の気遠き見れば 咳すれば 咳すれば寂しからしか軒端より雀さかさにさしのぞきをる さびしきか雀廂の破れ間より頭うごかす逆さ頭を かげ 古池に破れし葭簀のかげうつり明るけど寒し日の傾きぬ むきむきに雀すぼまる枯木の枝夕さり寒し陽のかげりつつ ふと見たら ふと見たら破れた垣根の隙間から銃口が出てる雀射つかあなや 誰ぞ誰ぞ雀射つなと荒らけく声かけて寒し障子閉めたり この冬は この冬は貧しかりけり庭つ鳥の餌をひろふかにひろふ飯の粒 貧しきは堪へむ然れどこの風のこの寒さには今は堪へ得ぬ 今さらに たまたまに障子にあかる薄陽のいろうれしとは見れどすぐ昃りつつ 折ふし障子ひびかす羽根の音雀ぞと思へどほとほと寂しき 寂しさに堪へてあらめと云ひにけり堪へてありけりまづこの冬は 今さらに云ふ事は無し妻とゐて夕さりくれば燈をとぼすまで 玄米の籾がらくさき飯ながらほかほかと食めばあたたまるもの 追儺 貧しけば豆なとまかめと襷かけてさびしき妻や鬼は外と云ふ やらはれて逃げゆく鬼のうしろかげ鐘馗が睨むふりのをかしさ 冬枯遺抄 刈小田 暮近き日あし選り来て田の縁に出てゐる鴫か此方向けるは 田の畔 枯芝に枯芝いろの蝶ひとつやすらふほどの日の光あはれ 枯芝に冬の日暮の蝶ひとつやすらひて久しふと離れたり 古利根 一人見つ二人また出つはろばろとそよぐ河原の風の穂すすき 風に出でてながめながめてゐたりけりはろばろしさよ河原すすきは 寒 路上 路に出でていつかちらばる野良雀今朝も寒きかひとつひとつ動く 空 寒空を一羽風切る翼の冴え寂び極まるか雀ちちと鳴く 野川 下肥の舟曳くならし夜の明けて野川の氷こゑたつるなり 夕照 寒むざむし背戸の水田のうす氷茜さしつつ夕焼早し 山松風 松ばかり生ふる山かも風吹けばたださうさうと松風の音 松風の澄み吹くところ寺ありてねうはち鳴らすそのねうはちを 同じく山上 吹きとほる山松風の向ひ風群禽の団は早や近づきぬ 吹きとほる山松風の空近く吹き散らさるる群禽のこゑ 夜の雪 この夜も雪はふりけり。かの夜も雪はふりけり。その声や霊も消ぬかに、降り積り消ぬる白雪。白雪のふれば幽かに、たまゆらは澄みてありけど、白雪の消ぬるたまゆら、仄かなるまたも消にけり。白雪の果敢な心地の我身にも遣る方もなし。 竹あちこち 竹あちこちちよろちよろ川に日の射して水車かかれり寒き鶏のこゑ 竹あちこちちよろちよろ川に日の射して尾花かがやけり寒き石の上 浅春雑歌 椿 山ゆけばお山で赤い落椿ひとつひろはな道のなぐさに 春立つ 巣をつくる二羽の雀がうしろ羽根かすかにそよぐ春立つらむか 軒の端に雨のしづく白露のこぼるる見れば春は来にけり 雨後の月 雨ふくむ春の月夜の薄雲は薔薇いろなせどまだ寒く見ゆ 雨のこる萠黄の月の円き暈いまだ寒けれど遠く蛙啼く 春の耕田 春浅み背戸の水田のみどり葉の根芹は馬に食べられにけり 夕雨のしみらにそそぐ茨の垣萠えいづるそばに馬近づきぬ 春といへどまだ寒むからし茨の葉に面寄する馬の太く嚏る 雨ほそき破垣ちかくひそひそと田を鋤く人の馬叱るこゑ 春雨 霧雨のこまかにかかる猫柳つくづく見れば春たけにけり 垣越しによきしめりよと云ふ声のうれしくぞきこゆ田を鋤けるらし 夕べの虹 思はぬに虹立つ空の夕明り笠ふりむけて誰ぞや仰ぐは 虹の輪の七色ふかき片裾は雨しとどなり早苗田の上 虹の輪にひとしほ冴ゆる早苗田の水田の遠の燈火の列 ひさかたの天の彩虹ふりあふぎ今わがどちは夕餉食す 雨ふくむ野良の新樹の空ちかく消ぬかの虹のまだ斜なる 輪廻三鈔 序 大正三年六月、我未だ絶海の離嶋小笠原にあり。妻は曩に一人家に帰り、すでに父母とよろしからず。七月我更に父母の許に帰り、またわが妻とよろしからず。我は貧し、貧しけれども、我をしてかく貧しからしめしは誰ぞ。而も世を棄て名を棄て、更に三界に流浪せしめしは誰ぞ。我もとより貧しけれど天命を知る。我が性玉の如し。我はこれ畢竟詩歌三昧の徒、清貧もとより足る。我は醒め、妻は未だ痴情の恋に狂ふ。我は心より畏れ、妻は心より淫る。我父母の為に泣き、妻はわが父母を譏る。行道念々、我高きにのぼらむと欲すれども妻は蒼穹の遥かなるを知らず。我深く涙垂るれども妻は地上の悲しみを知らず。我は久遠の真理をたづね、妻は現世の虚栄に奔る。我深く妻を憫めども妻の為に道を棄て、親を棄て、己れを棄つる能はず。真実二途なし。乃ち心を決して相別る。その前後の歌。 流離鈔 風懐 一 大わだつみの波にただよふ椰子の実のはてしも知らぬ旅もするかも 二 小笠原三界に来て現身やいよいよ痩せぬ飯は食めども 珊瑚寄る嶋の荒磯にいとまなみ昨日も今日も痩せて章魚突く 一人のこる 南海の離れ小嶋の荒磯辺に我が痩せ痩せてゐきと伝へよ あるかなく生きて残れば荒磯辺や俊寛ならぬ身は痩せにけり 愛妻を遠く還して離れ嶋に一人残れば生ける心地なし 風疾き嶋の荒磯に立つ煙消なば消ぬべし帰るすべなし 我やひとり離れ小嶋の椰子の木の月夜の葉ずれ夜もすがら聴く 嶋の永日 一 嶋の子 嶋の子は嶋を広しと海鼠突き章魚突き笑らぎ遊び廻れる 海亀 日に照られ波にさらされ海亀の甲羅の苔も青寂びにけり 荒磯の洞 小笠原嶋荒磯の洞に寄る波のゆたのたゆたに日の永きかも 小笠原嶋ブラボが岬に巻く渦のこほろこほろに故国ぞ恋しき 三日月山三日の月よりなほほそく傾く山にかかる白滝 和田の原なだれ逆巻く波間より煙あがれり船通ふらし 信天翁 日はひねもす信天翁といふ鳥ののろのろごゑをきけば悲しも 陸に来てはころげ羽ばたく阿呆鳥逃げよとすれど歩まれぬかも 弟嶋を眺む 沖つ嶋荒磯の鴎こゑ寂びて飛びあへぬかも風変るらし 嶋の永日 二 椰子の実 椰子の実の椰子の梢にからからと鳴りて明るきひと日なりけり 永き日の椰子と椰子との葉ずれより気遠きものはあらじとぞ思ふ 玉蜀黍 玉蜀黍かがよふ中にうつら来てしばらくはゐしか誰か去りたり しづけさや黍は黍とし照り恍けて遠き葉ずれの音立てにける 金色の日の光ばかりそよぐなり丘のかなたの玉蜀黍は 護謨の葉 護謨の木の畑の苗木の重き葉の大きなる葉のふとひびらぎぬ 肉厚く重き護謨の葉かがやき久しおのづからふかき音たてにける 昼深きかがやきのはてはつたりと護謨の厚葉が垂れ暗みたり 帰途 帰心矢の如し 父嶋よ仰ぎ見すれば父恋し母嶋見れば母ぞ恋しき ちちのみの父の嶋より見わたせば母の嶋見ゆ乳房山見ゆ 父嶋のそばに兄じま弟じま母のそばには嫁妹じま 帰らなむ父と母とのますところ妻と弟妹が睦びあふ家 松風と雀 青ヶ島一名鬼ヶ島ともいふ 波まくら幾夜経にけむほのぼのと今朝目さむれば松風の音 恐ろしき鬼ヶ島ちふ鄙の島その荒磯辺の松風のこゑ さうさうと松風騒ぐ青ヶ島悲しとはきけどここも日本辺 世の中は常かなしもよ沖の島ここの辺土の松風のこゑ あな愛しここは日本の青ヶ島つくづくと聴けば雀子がこゑ 鬼ヶ島沖の小島の荒磯辺に遊ぶ雀のこゑの愛しさ 人にきけば鬼ヶ島ちふ鄙の島その荒磯にも雀むれあそぶ 帰京 小笠原三界出でてはるばると帰りつきたりこの戸開かせ 小笠原の海の土産は何々ぞ珊瑚椰子の実大きごむの葉 ひさびさに仰ぎまつれば涙なりこの父母を棄てて遊びき 別離鈔 蒼天に向つて 蒼天を見て驚かぬ賢しびと見ておどろけやいにしへのごと ひさかたの四方の天雲地に垂りて碧々しかも蓋のごと 大空を見ておどろかぬ浦安の青人草がこころ知らなく 天つ日の光に馴れて世人みな眠たごころの未だ飽かなく 幼子を見よ彼等あそぶと蒼天の大円蓋を我物にせり 常高く何か坐すとは仰げども遥ばろしかも空のあなたは 遥ばろし空を仰げばますらをのこぼるる涙とどめかねつも わが行はのどにはあらずよ白鷺の浮足吾妹くるしくば去ね 妻に 草の葉を見よ 思へ妻草の隻葉のひとひらも天つ光に濡れかがやくを 我は貧し 天地を泣きくつがへし幾千日泣きひたすとも我は貧しき 青山を枯山になして泣きいざちて泣きおらぶとも我は貧しき 金は無し 父母の裂けしころものほころびを縫ふ針すらも無きを吾妹よ 金なければ憎し隔れば恋しちふかかるをかしき事あらめやも この父この母この妻 一 老いらくの父を思へばおのづから頭ふかく垂れ安き空しなし ははそはの母に向へばおのづから涙はふり落ち来て答ふすべしなし 二 うち背ひ妻を憎めば火と燃えて笑ひひたせまる大き眼おもほゆ 三 垂乳根の親とその子の愛妻と有るべきことか仲違ひたり 垂乳根の母父ゆゑに身ひとつの命とたのむ妻を我が離る 四 ますらをや貧しきばかりにうつしみの命とたのむ妻に嗤はる 声あげて笑ふ男子が眼の痒ゆさ霹靂なし妻に嘖ばゆ 別れ 今さらに 今さらに別れするより苦しくも牢獄に二人恋ひしまされり 今さらに別るると云ふに恋しさせまり死なば死ねよと抱きあひにけり その時 うつし世の千万言の誓言もむなしかりけり今わかれなる わが妻が悲しと泣きし一言は真実ならしも泣かされにけり 三界に家なしといふ女子を突き出したりまた見ざる外に ほとほとに戸を去りあへず泣きし吾妹早や去りけらし日の傾きぬ 妻を帰して 貧しさに妻を帰して朝顔の垣根結ひ居り竹と縄もて 苗や苗胡瓜の苗や茄子の苗苗はいつくし朝顔の苗 別後 苦しさに 苦しさに声うちあぐるたはやすけどおとなしく堪へて幾日籠るは 思ふままに声を放ちて喚く子がその朗らけき心ともがな 追憶 代々木の白樫がもと黄楊がもと飛びて歩りきし栗鼠の子吾妹 浅編笠すこしかたむけ鳳仙花見入りてし子が細りうしろで 空はまろく海ははろけしここは妻よ牢獄ならずとうち叫び寝し かの庵よまこと仏のおはすかに聴きの澄みしか雪の夜さりは 別れては離れ小島の椰子の木のすべなき我や夜も一夜眠ず 女色 たわやめの色に溺れてこの三年おぞや大事を我が忘れたり 大声に笑ひすませば足るものをとは云ふものの涙こぼるる 憐憫 この我や心いたらぬ女子をあはれとは思へ憎みあへなくに 現世の身のあはれさぞ思ほゆる憎しとは思へ女なりけり 悲願 我を挙げて人をあはれと思ふ日のいつかは来らむ遥かなりけり 隼人 蟹味噌 蟹を搗き蕃椒擂り筑紫びと酒のさかなに噛む夏は来ぬ 筑紫の三瀦男子が酔ひ泣くと夏はこぞりて蟹搗きつぶす 蟹の味噌強く噛みしめはしけやし夏は葦辺の香に咽せてけり 蟹味噌の辛き蟹味噌噛みつぶし辛くも生きて忍びつるかも この我や響するどき蟹味噌の蟹し噛まずば慰まずけり 兵児 九州者な横道者青竹割つて兵児にかく 青竹割り睾丸締め込む不知火の南筑紫のますらを我は 田打蟹をおもふ 黒崎潟潮干てゆけば田打蟹はろばろと湧くこゑの寂しさ 途上所見 ろくろ 思ひ屈ししばし見惚れつ昼さがり陶器師の廻すろくろを 見つつゐて寂しかりしかいつしかと我を忘れつろくろ廻せる 父母も妻も思はずろくろ繰り廻るろくろをただに見ほれつ ろくろ見るろくろ廻るがただうれし陶器師はろくろ廻せる ろくろ見るろくろまたなし己れなし陶器師はろくろ廻せる 子供の野球 球を打つ音のよろしさ聞くさへや心は晴るる悔しき時も 球投ぐる振のよろしさ見るさへや心はをどる苦しき時も 真向より飛び来る球待ち構ふる張りきらむずる立ちの雄々しさ 童こそはひたむきなれ火のごとく飛び来る球を音高くうつ 童こそはひたむきなれ火のごとく飛び来る球を身をそらし取る 童こそはひたむきなれ傍目ふらず飛び逸れ球をひた走り追ふ 夜祭のころ 十五夜 夜祭の万燈の上にいよいよあがり大きなるかも今宵の月は あかあかと十五夜の月街にありわつしよわつしよといふ声もする 何ごとも夢のごとくに過ぎにけり万燈の上の桃色の月 今宵はも三五十五夜照る月の光もさやかわがひとり寝る 朗らなる満月の夜に万燈とぼり心さぶしも我が軒通る 満月と鴉 眺むれば満月光に飛ぶ鴉一羽二羽三羽、五羽と飛ばなくに 鴉飛びて朱の満月過ぎるとき鮮かに見えつ太き嘴 ひさかたの満月光に飛ぶ鴉いよよ一羽となりてけるかも 発心鈔 良夜 路次 あかあかと十五夜の月隈なければ衣ぬぎすて水かぶるなり 月の夜に水をかぶれば頭より金銀瑠璃の玉もこそちれ 陰影 円かなる月の光のいはれなくふと暗がりて来るけはひあり 月の夜の白き霧雲もくもくとながれて尽きず夜灯の上 現身 幅広き月の光に在り馴れず我は心もいと細り寝る 今宵また寝なむひとりかかにかくにわれは仏にあらぬものをよ 中秋 澄みに澄み澄みに澄みたる中空の月のまはりを飛ぶもののあり かうかうと月は明りてわたれども人の身我は飛ばれざりけり しろたへの衣なほ干す屋根の上に月いよよ澄みていよよ白しも 暗夜感電 烏羽玉の暗き夜ふけに空高く凧ひとつあげてゐる人のあり ただならぬ電光の赤き閃きの下夜空に揺れて凧ひとつあがる 火花ちらす電光の下に放つ糸のそのひとすぢの末に凧舞へり 夜をこめて空に幽かに揺るる凧の何かしら放つその火花はも 機縁 発電機 真夏日の日照りはげしき街をあゆみふと耳に入る発電機の響 ああ発電機おほどかなれどおのづから澄みて愛しき声放つなり ああ発電機聴けばこもごも忘られぬそのかの声もこもらひにけり 発電機の鳴りの極みの細りごゑ澄みとほる間の一つ蝉の声 鴉 澄みわたる光のなかにゐる鴉かあと一声啼きにけるかも 発心 円 大きなるまんまろき円ひとつかきひとり眺めてありにけり昼 大きなる信天翁が云へらくはのそりのそりとあるべかりけれ 変態 麗うらと大空晴れて人殺す鉄砲つくる音もきこゆる そこ通る女子とらへてはだかにせう、といふたれば皆逃げてけるかも 雨ふれば 雨ふれば青き御空ぞなつかしきその青空も寂しと思へど 雨ふればおほよそごころねもごろに濡れてかをりぬ雫するまで 麗日 摩耶の乳長閑にふふますいとけなき仏の息もききぬべき日か 鳥のこゑ 麗らかに頭まろめて鳥のこゑきいてゐる、といふ心になりにけるかも 雀の卵 序歌 一 幽かなれば人に知らゆな雀の巣雀ゐるとは人に知らゆな 雀のみ住みてささ啼く雀の巣卵守るとは人に知らゆな 二 春は軒の雀が宿の巣藁にも紅き毛糸の垂れて見えけり 月読の光の紅く射すところ雀は啼けり軒の古巣に 巣の中にいくつ卵をまもればか雀は寝ぬぞ春の月夜に 三 天つ日の光の強く射すところ卵はひとつのこされにけり しら玉の雀の卵寂しければ人に知られで春過ぎむとす 四 しら玉の雀の卵ひとつわれてまこと雀の声立てむ何時 時雨と霜 竹と山水 寒水臻る おのづから水のながれの寒竹の下ゆくときは声立つるなり 竹林に人あり せうせうと降りくるものか村時雨寒竹林に人鉦をうつ 雨過ぐ ひと色に寒くにじめる冬の山雨過ぎぬらし竹のみな靡く 小閑 枯れ枯れの石に日のあたりおぼつかな寒竹の影がやや疎らなる 時雨の後 そぼ濡れて竹に雀がとまりたり二羽になりたりまた一羽来て いそがしく濡羽つくろふ雀ゐて夕かげり早し四五本の竹 寒雀 風さむき孟宗の秀のゆれ近く吹かれ吹かれて雀が一羽 寒風に四五羽飛び出て藪雀また吹かれ還る群笹の揺れに 寒暁 閻魔の咳 冬の光しんかんたるに真竹原閻魔大王の咳のこゑ 口赤き閻羅が前の笹の藪しんかんとして雀のつるみ 雉子 澄みとほる青の真竹に尾の触れて一声啼くか藪原雉子 雀の宿 一 短か日の光つめたき笹の葉に雨さゐさゐと降りいでにけり さびさびと時雨ふり来る笹の葉に消えゆく遠き日あしなりけり 村時雨羽根をすぼめて寒竹の枝にかすかにゐる雀かも 村時雨羽根をひろげて寒竹の枝から飛ばんとし飛ぶ雀かも 雨しぶく今朝の笹葉の寒風に頭すぼめて飛ぶ雀かな 二 深藪に人家の燈あかあかと入りとどかねば啼かぬ雀か 蛇窪村 一 篠竹の竹の撓みに置く霜の今宵は白しふけにけらしも 篠竹の笹の小笹のさやさやにさやぐ霜夜の声の寒けさ 霜さむき孟宗原に燃ゆる火のほのぼのと赤し夜や明けぬらむ しみじみとつめたき朝はとく起きてこちごちの畑に人は火を焚けり 寒むざむと赤き日あがる田圃のすゑ工場いくつ見えて煙まだ立たず 野づかさの冬の畑の青菜の葉あはれと見つつ俥にていそぐ 二 深藪に来かかる我の足の音ふと高くなりて我と竦みつ 深藪に一千万本竹ありて人間ひとり在ればさびしゑ 深藪の中に実赤き冬青の木のその実をたべて啼けり鵯の子 三 短か日の孟宗さむき田圃横藁家ひとつ見えて童雀追ふ 山内の時雨 三縁山増上寺の山門前にふる時雨日がな日ぐらしふりにけるかも 鳩よ鳩よ風邪をなひきそ高窓の軒の張出雨雫する 鴉のこゑ遠退きゆけば雀のこゑ幽かにきたる霧雨の中 しげしげと時雨見送る鵯の子の一羽二羽とまるさいかちの枝 松が枝ともみぢの枝にふる時雨松には松雀もみぢには鵯 時雨ふる坂の紅葉の下明り鴉が飛び来かおかおと啼きて 時雨ふる冬の夜寒に啼く鶏の赤羽根橋を我がわたるなり 電線の蜘蛛手の上の二十日の月あはれなるかも片時雨して 寒鴉 鴉一羽山の枯木にとまりたり向きを変へたり吹く風の中 木末の鴉ややに下りつつ下枝に下り遂に根方の地に下りむとす 麻布十番 霜の夜ごゑ この夜ことに星きららかに麻布の台霜下り来らし声霧らふなり 永久に青き常磐木その葉落ちずいよいよ経れば霜下りにけり 寝て聴けば寒夜の夜霜霧ふなりあはれなるかも前の篁 この夜ひと夜眼の冴え冴えて小床ふかく霜満つるけはひ聴き明すなり 揺れほそる母の寝息の耳につきて背ひには向けど恋し我が母よ 寒天に吹きさらさるるいちゐの木いちゐひびけりふかき夜霜に 澄みとほる小夜の雉子のこゑきけば霜こごるらし笹の葉むらに 霜こほる真夜の夜ぶかにかつかつと人こそとほれ巡邏なるらし なに削る冬の夜寒ぞ鉋の音隣合せにまだかすかなり 厨辺の霜 路次の霜に桃色うすき鼠子の凍えし尻尾つまみつればあはれ 今朝見れば置く霜濃くて厨辺のごみための影も紫に見ゆ 霜ふかき路次の竈の釜の蓋に凍葉青き黄の柚子ひとつ 霜かぶる蕪がそばに目つむるは深むらさきの首長の鴨 雪の翅ばたき 大王 大王の行幸かあらし旗立てて雪の御門を騎馬出づる見ゆ 白牛 瓦斯の燈に吹雪かがやくひとところ夜目には見えて街遥かなる 雪の夜にたまたま遇へる白き牛の荒々し息の触りの暖とさ しんしんと真夜の暗みをとほる牛の額角うつ牡丹雪の玉 小夜吹雪激しくは打て角を低めたじろぐ牛の眼かがやきぬ 吹雪やみて月夜明りとなりにけりふと湧き起る牛の太吼 巷の吹雪 巷辺の真夜の吹雪となりにけり広告の燈のみ赤く変りつつ かうかうと仏うつつに見えまして立たすけはひ近し真夜の大吹雪 吹雪かぜ向き変りたらし引きすぼめし夜の傘を急に吹きあほる 夜の吹雪ややあかるらし思はぬに吾が先ちかく袂はたく音 吹雪やみて夜のふけまさる路次の闇にふと立ちてきけば金よめる音 笹の雪 朝 雪けぶり立てて幽かに飛ぶ雀笹の葉の間に羽たたけり見ゆ 夜 こんこんと笹竹原につもる雪紅き提灯つけて人来も 笹藪から雪の田圃へぽつつりと紅豆提灯出て来てあはれ 雪夜 いまだ起きて火だね埋めゐたりさらさらとあたりの沈黙に雪さやる音 この寒き雪の夜中にさらさらと澄みてひびくは何の葉つぱぞ 雪の夜に麻布小衾ひきかつぎおもふは生みの父母のこと 衾かつぎ聴けばかすかやくらがりにてふてふか何か翅たたきつつ 右の足を左の足にのせにけりまだも積むべしこの夜半の雪は 足の指互に触るる夜のさむさ現身我と思へば眠られね いまだ世に親鸞上人おはすとき石の枕に雪ふりにけむ 目のさめて待てば遅しも冴々しふくら雀の朝のさへづり 雪暁 女犯戒犯し果てけりこまごまとこの暁ちかく雪つもる音 ははそはの母のおもとの水しわざ澄みかとほらむこの寒の入り 目のさめてややにふえゆく雀の声あなあはれ我も目はさめてゐる 人間のこゑ湧きおこるしののめどきすなはち走る新聞くばり 袖に来て白く飛びちる雪つぶてあなさびし子らが雪投げの玉 浅草の雪 金竜山浅草寺の朱き山門の雪まつしろに霽れにけるかも 首出して神馬雪喰ふつつましさ見て通りけり朝の帰りに 路次の朝 屋根の雪 硝子戸を強く拭きこむこの朝明隣の屋根の雪が傍に見ゆ 雀飛ぶ屋根の遠見の雪煙かすかに射すは朝日のかげか 屋根の雪霞みて暗き遠方はやや煙だてり風か吹きいでし 屋根をころげて騒ぎ乳繰る二羽の雀ぱぱと飛びわかる雪煙立てて 椎の葉の雪 椎の葉に消のこる雪の椎の葉に消のこるなべに朝日さしけり ほのかなる声なりしかど椎の葉に一夜積りし雪のうれしさ 椎の葉のかそけき雪に朝日子のかがよふ見れば春さりにけり 石臼と杵 石臼と杵とましろし路次の奥あなあはれ今朝は一面の雪 ふかぶかと雪盛りあがる石の臼杵の柄も外に出てましろなり 石臼のほとりに飛べや寒すずめ地面の雪に蹠つけて 石臼のふちに染み入る雪のこゑあな寂し外は一面の光 寂しさに 寂しさに起きて雪掃くかそけさは人も知らじな路次の白雪 夙に起きて雪掃き寄すとまだ醒めぬ隣りの雪も片寄せにけり 霰と雀 あまりに速く冷えて凍れば霰の玉しら玉のごともころげたりけり 白玉か米の粒かと見つるらむ雀声立てて啄むは寒霰 いよよ疾く乱れたばしる霰の玉雀騒げど喙みもあへなくに 雀子は身ぬち暖きか霰の玉こまごまと消居り羽ににじみつつ 競り啄む雀の羽根にましろくたまり時の間消ゆる霰のしら玉 いそがしき雀の遊び必死なれあな暫時なれや霰ふりさやぐ 現身 卵わりつつ 雪の日の笹竹がくり啼く鶏の鶏冠のみ紅き冬は来にけり 重き雪の力竹圧すしまらくを卵にぎりてわがわらむとす 現身の白の鶏が今朝し産みし暖き卵をひとつ割りたり この吾れに吾れののますとしら玉の卵をいつか割りてゐにけり 卵わりつつそぞろにたまる目のなみだ全く冬日は寒けかりけれ 朝の吸入 しののめの一本の竹雪しろし竹に雀が縋りつつ見ゆ 吸入器の痒ゆき湯気ふくしまらくを幽かに雪もふれなとぞ思ふ 吸入器の湯気の触りの頬に痒ゆくいくたびか拭きてなほ暫時あり しみじみと厠掃除をする人が頬かぶりしろし雪つもりつつ 夜明の鶴 雪霙いよよ卍とふるなかにあなかうがうし明けの白鶴 かうがうし鶴はこの世のものならず幽かに啼けば生きたるらしも 清らけき鶴の思ひのともすればくづるるものか羽根一つはたく 嘴凍る鶴の一羽は見上げたり雪霙霧らふ空の暗みを 春泥の上に求食れど腰ほそく清らなるかな鶴の姿は 腰高に頸ぶす鶴のあはれさよ紅き頭に雪すこしつけて 鶴と云へどひもじきものか松が根の凍れる苔に嘴つけにけり 山家抄 一 高山の雪の秀つづき消え消えと行き行かしけむ役の小角は 雪ふれば御嶽精進もえは行かぬ凄まじき冬と今はなりにけり 二 題咏 足曳の山の猟男が火縄銃取りて出で向ふ冬は来にけり 高山の雪に火縄の火の消なと拝み希ひのるは愛し妻ばかり 雪空に澄みつつ白き山ふたつその谷間の火縄銃の音 三 寂しさに堪へて眺むる白雪のほのぼのとして山家なりけり 奥山の山の狭間にふる雪のほのぼのつもり夜明けぬるかも 白き尾の白き鶏あらはれて天上の雪に長鳴きにけり 茶の煙 茶の煙